Осветлување на косата
Косата не само што ќе стане посветла, туку ќе биде и помека и посјајна, а и ќе мириса прекрасно. Овој метод на осветлување на косата е наменет за светлокафена и руса коса, а резултатите тогаш се најдобри – косата е посветла за две до три нијанси. Исто така, подобар избор е од класичните фарби затоа што не ја оштетува косата.
Циметот ќе ја осветли и потемната коса, но во тој случај третманот треба да се повтори повеќе пати. Понекогаш резултатот може и да изостане, а тоа зависи од структурата на влакното и бојата.
Рецепт за маска од цимет, количеството е доволно за долга коса:
Потребно:
- 3 лажици цимет
- 3 лажици мед
- 5 лажици балзам за коса
Постапка: Мешајте ги медот и циметот се додека не се поврзат добро, па потоа во смесата додадете го балзамот. Маската се нанесува на чиста, сува коса. Ако сакате ефект на прамени тогаш косата поделете ја па смесата нанесете ја само на горните прамени – во тој случај бојата ќе осветли како да сте биле на море и сонце. Внимавајте смесата да не ви остане на лицето и не ја втривајте во темето, за да не дојде до иритација на кожата.
После нанесување на маската, косата завиткајте ја во фолија, па со пешкир за да биде топло. После половина час тргнете го пешкирот, а маската нека остане на главата уште 4 до 5 часа. На крајот измијте со топла вода.
И не заборавајте – оваа маска е наменета за осветлување на природната боја на косата, не на онаа која е бојадисана.
Циметот помага при многу тегоби
Важно: Цејлонскиот цимет е многу поефикасен од класичниот кој обично го ставаме во колачи.
Лечи грип и желудочни тегоби
Циметот ги уништува бактериите во цревата, па дури и оние потешките како E. coli. Ако имате грип или проблеми со желудникот сварете лажичка цејлонски цимет во филџан и пол вода – нека врие на тивок оган 15 до 25 минути. Потоа нека отстои уште 15-ина минути, ќе ја менува бојата од бледожолта до златноцрвена. Таа течност испијте ја.
Ги неутрализира непријатните мириси
Има топол, пријатен мирис, а со оглед на тоа дека ги убива бактериите, ќе ги уништи и оние кои предизвикуваат непријатни мириси во вашиот дом. Едноставно ставете кора од цимет во врела вода и оставете пареата да се шири низ просторот. После половина час мирисот ќе исчезне.
Го забрзува метаболизмот
Сакате да загубите некој килограм, почесто јадете цимет. Го забрзува метаболизмот, а брзиот метаболизам значи и полесно губење на тежината. Добро е да се додаде лажичка цимет во утринското кафе или да се стави малку цимет во појадокот, односно добро е да се консумира наутро.
Лекува болести на непцата и го отстранува лошиот здив
Циметот има одлични антибактериски својства, па така ги лекува и болните непца, а го отстранува и непријатниот здив од устата. Во устата маткајте смеса од две капки етерично масло од цимет и лажичка кокосово масло.
Корисен е кај дијабетес тип 2
Помага и во намалувањето на нивото на шеќер во крвта и го зголемува дејството на инсулинот. За луѓето до дијабетес 2 стручњаците препорачуваат дневно да се изедат 1 до 4 г цимет.
Ги брка инсектите
Мирисот на цимет не им е пријатен на инсектите, па бегаат од него. Да речеме мравките ќе се тргнат од својот пат ако им го посипете со цимет. Или направете линија од цимет на подот, таму каде што имате проблем со мравките и тие повеќе нема да ја поминуваат. Стапче цимет ставете во мало ќесенце и така облеката ќе ја заштитите од молци.
Помага при депресија
Мирисот на цимет асоцира на Божиќ, колачи и убави спомени. Освен тоа докажано е дека е одличен во борбата против цревните бактерии кои се поврзани со депресијата. Сварете го во вода и испијте го како чај.
Лекува габички на ноктите
Оној кој ги имал знае колку тие можат да бидат фрустрирачки и колку тешко се лекуваат. Циметот е одличен во уништувањето на габичките, односно маслото од неговото лисје кое се става директно на ноктот, и тоа наутро и навечер. Освен тоа добро е да се потопат стапалата и во масло од цимет измешано со горчлива сол.
