Зимата многу од нас најмногу би сакале да ја преспијат како и мечките, затоа што со неа секогаш доаѓа сеозната на грип, настинки, вирози и разно-разни воспаленија. Тогаш ординациите се преполни со пациенти, а можеби, ако веќе имате потреба, е подобро наместо да појдете и вие кај својот лекар да пробате некои од лековите на нашите баби кои со векови ги „бркале“ болестите од своите домови. Една од намирниците која секојдневно ја користиме при готвењето со векови е и лек за низа болести.
„Зошто да умре човекот кој во својата градина расте жалфија?“ – се прашувал Хипократ, споменувајќи ја билката која илјадници години се користи како антибиотик.
Жалфија (Salvia officinalis) е посебно добра за грлто, инфекциите на дишните патишта, како и инфекциите во устата. Кoрисна е и за желудочни инфекции и проблеми со цревата, а помага и при намалување на температурата, треска и болки во телото кои се јавуваат на самиот старт на настинка и грип. Арапите, како и Кинезите и Римјаните верувале дека жалфијата е клуч за долг живот. Има антибактериски, антифунгални и антивирусни својства.
Од друга страна, научно е докажано дека циметот може да ги убие повеќето бактерии, дури и оние кои се отпорни на стандардните антибиотици, а помага и против Ешерихија коли. Само лажичка цимет, според едно истражување, убива 99,5 отсто до тие бактерии за три дена на собна температура.
Нема да ви шкоди ако пробате некој од овие рецепти!
Ракија од жалфија
Околу 250 г листови од жалфија потопете ги во 1,5 литар ракија, најдобро лозова. Оставете да отстои три недели, исцедете и измешајте со 1,5 кг неутрален мед од багрем. Претурете во стаклени шишиња и оставете да стои уште три недели. Повремено промешајте, а кога ќе помине тоа време, секој ден пијте по малку.
Тинктура од жалфија за превенција
Во децилитар 70 % етил алкохол ставете 20 г иситнети листови од жалфија. Нека стои на топло еден месец. Потоа исцедете и ставете во шишенце со капалка. По 10 до 15 капли од тинктурата додавајте во малку вода, сок или чај три пати на ден. Забрането е за трудници и деца!
Жалфија и цимет против бронхитис
Растопете две лажици шеќер, па прелијте со половина литар млеко, како кога правите прегорено млеко. Кога ќе зоврие, тргнете го од огнот и додадете лажица иситнета жалфија и половина лажичка цимет. Нека отстои десет минути, па процедете и пијте три пати на ден.
