Изградбата на имунитетот е континуиран процес, кој всушност започнува во нашата чинија. Минералот цинк е од суштинско значење за имунитетот- нашето тело е речиси совршена машина која неуморно работи и балансира помеѓу секојдневните стресови и напади на организмот. Токму овој период е време кога нашето тело е повеќе изложено и почувствително, имунитетот е на удар, и важно е да се дејствува превентивно и да се снабди телото со витамини и минерали, кои ќе го зајакнат, за да може полесно да се одбрани.
Заедно со витамините Ц, Б и А, минералот цинк игра важна улога во нормалното функционирање на имунолошкиот систем. Покрај овие витамини, цинкот е од суштинско значење за правилен раст и размножување на клетките кои се вклучени во имунолошките реакции. Затоа, бидете сигурни дека на најлесен начин, преку исхраната, внесувате доволно цинк во организмот.
Во која храна се крие цинкот?
Еден од најдобрите извори на цинк е црвеното месо. Со консумација на околу 100 г црвено месо може да се задоволат околу 25 проценти од вкупните дневни потреби за цинк. Цинкот од црвено месо се смета за високо искористлив, бидејќи дури и мали количини на црвено месо во исхраната ја зголемуваат апсорпцијата на цинк од сите други прехранбени извори на цинк, како што се мешунките и друг зеленчук како брокула, карфиол, кељ и зелка. Разновидната исхрана е императив за зајакнување на имунитетот, а со лесно динстан зеленчук, парчето црвено месо ќе му ја даде на организмот потребната сила да се бори во ладните денови.
Кујната на мама сите ја сакаме, отворете во нејзините белешки и преземете дел од рецептите. Дозволете си „оброк на лажица“ секогаш кога имате услови за тоа. Во исхраната вклучете ги оброците од грав или грашок, а како прилог на месото бирајте обарен зеленчук богат со цинк. Искористете ги предностите на сезоната и уживајте во традиционални домашни јадења, црвено месо богато со цинк и кисела зелка богата со витамин Ц.
Со комбинирање на разновидни намирници, оброци и закуски, движење и престој во природа, може да го зајакнете вашиот организам. Бидете важни сами на себе, обратете внимание на изборот на намирници и нека исхраната богата со црнвено месо биде вашиот сојузник во борбата против настинки и вируси.
