Цревната микробиота може да користи за предвидување на појавата на колоректален карцином, болест која е втора по честота на карциноми кај жените, а трета кај мажите, укажува нова студија. Имено, ова истражување пронашло поврзаност помеѓу ракот на дебелото црево и промените во цревната микробиота, кои не зависат од прехранбените навики.
Се смета дека ова откритие отвора нови можности за развој на неинвазивни тестови кои може да предвидат настанување на рак на дебелото црево.
Истовремено, откриено е дека кај пациентите со рак на дебело црево може да се најдат одредени видови на бактерии кои обично се наоѓаат во устата и во дишните патишта. Се покажало дека кај болните од рак на дебело црево постојат повеќе нивоа на бактеријата Fusobacterium nucleatum во цревата, во споредба со здрави лица. Оваа бактерија вообичаено се наоѓа во устата, а киселоста на останатите делови на гастроинтестиналниот тракт се смета фатална за неа.
Треба да се истакне дека голем број на орални бактерии обично патуваат до цревата на пациентите заболени од рак на дебелото црево. Оваа миграција може да предизвика воспаление во цревата, што доведува до појава на тумор.
