Во Црна Гора веќе 28 дена по ред нема потврдени нови случаи на инфекција со коронавирусот.
“Од вчерашниот пресек на состојбата, анализирани се 140 примероци меѓу кои нема нови случаи на инфекцијата. Во моментов нема ниту активни случаи на инфекција со новиот коронавирус, бидејќи и вториот наод од тестирањето на последниот заболен пациент се покажа негативен“, тврдат црногорските здравствени власти.
И претходно од тамошниот Институт за јавно здравје соопштија дека ќе биде прогласен крај на епидемијата кога вкупно 28 дена нема да има нови заразени.
“Во пракса меѓу струката е вообичаено епидемија на една зараза да се одјави кога за време на траењето на два просечни периода на инкубација немало новорегистрирани случаи на заболување кои се заразиле на една територија. Во овој случај, значи, станува збор за состојба да во тек на 28 дена никој во Црна Гора не се заразил со коронавирус“, соопштено е од Институтот за јавно здравје на Црна Гора.
