Промените забележливи на некој дел од кожата се единствените симптоми на црната акантоза (acanthosis nigricans). Оваа состојба ја карактеризираат подрачја со црна хиперпигментација на кожата. Се забалежува како темна, здебелена кожа во наборите на телото. Најчесто се јавува под пазувите, на препоните, папокот или на вратот. Вообичаено се појавува постепено, а кожата зафатена од црната акантоза може да има поинаков мирис или да предизвикува сврбеж.
Овие кожни промени се јавуваат најчесто кај луѓето кои имаат вишок на телесна тежина или имаат дијабетес. Децата кај кои се појавува црната акантоза имаат зголемен ризик од развивање на дијабетес 2. Ретко, црната акантоза може да биде знак за карцином на внатрешните органи, особено на желудникот или црниот дроб.
