КОВИД-19 досега однел повеќе американски животи отколку шпанскиот грип 1918-19 година, покажуваат податоците кои вчера ги објави Универзитетот Џон Хопкинс, водечки во оваа област.
Повеќе од 675.700 лица заразени со новиот коронавирус починале во САД, покажуваат најновите податоци на институтот, објавени вчера попладне.
Центрите за превенција и контрола на болести, главната американска агенција за јавно здравје и историчарите оценуваат дека шпанскиот грип усмртил најмалку 50 милиони лица во светот, меѓу кои кои 675.000 во САД.
Така, шпанскиот грип, барем во апсолутна вредност, во понеделникот го загуби насловот на најлоша пандемија во поновата историја на САД.
Но, за разлика од КОВИД-19, таа пандемија особено силно ги покосила возрасните групи кои би требало да бидат здрави, како на пример, деца помали од 5 години и лица помеѓу 20 и 40 години.
