Неодамнешна студија покажа позитивни ефекти од црниот ким врз здравјето на срцето кај луѓе кои го консумирале осум недели.
Црниот ким го намалува лошиот холестерол и го зголемува добриот холестерол, што го прави потенцијално корисен за кардиоваскуларното здравје.
Истражувачите сметаат дека дури може да го инхибира формирањето на зрели масни клетки, врз основа на експерименти со клетки одгледувани во лабораторија.
Црниот ким (Nigella sativa) е цветно растение по потекло од Западна Азија и Источна Европа, чии семиња најчесто се користат како зачин во кари и зеленчук.
Луѓето одгледуваат ким илјадници години, а тој често се користи во народната медицина како масло, паста, прав или екстракт. Западната наука дури неодамна го забележала кимот и го тестирала. Иако доказите се оскудни, првичните резултати, претежно од студии на клетки и животни, сугерираат дека постојат занемарени здравствени придобивки од овој вообичаен зачин, со можни антиоксидантни и антиинфламаторни ефекти.
Само 5 грама ким дневно го намалува холестеролот
Во неодамнешно клиничко испитување предводено од научници на Универзитетот Осака Метрополитен во Јапонија, 22 учесници кои консумирале 5 грама црн ким во прав секој ден покажале намалување на лошиот холестерол и зголемување на добриот холестерол по само осум недели.
Авторите на студијата, објавена во списанието „Food Science & Nutrition“ , сугерираат дека овие подобрувања од околу една лажичка ким во прав дневно би можеле да го подобрат кардиоваскуларното здравје, намалувајќи го ризикот од идни срцеви проблеми.
– Оваа студија силно сугерира дека семето од црн ким е корисно како функционална храна за спречување на дебелина и болести поврзани со начинот на живот. „Беше задоволувачко да се види како црниот ким сеопфатно покажува реални, докажани ефекти за намалување на липидите во крвта во човечко испитување“, вели научникот за храна Акико Коџима-Јуаса.
Овие наоди се приклучуваат на мали прелиминарни испитувања на ким, кои сугерираат дека може да помогне во губењето на тежината и нивото на холестерол.
Ист ефект како лековите
И едно значајно истражување од 2015 година покажа дека земањето капсули со ким дневно може да има исти резултати како и лековите за намалување на холестеролот. По ова и неколку други клинички испитувања, беа откриени придобивките од кимот за намалување на холестеролот, иако во помала мера.
Неодамнешна студија на Коџима-Јуаса и неговите колеги сугерира дека црниот ким може да го инхибира формирањето на масти преку влијание врз клучните генетски регулатори на метаболичкиот процес. Но, потребни се дополнителни истражувања.
– Се надеваме дека ќе спроведеме подолготрајни и поголеми клинички испитувања за да ги испитаме ефектите на црниот ким врз метаболизмот. Особено сме заинтересирани за истражување на неговите ефекти врз инсулинската резистенција кај дијабетесот и воспалителните маркери – вели Коџима-Џуаса.
