Црниот пипер е еден од најпознатите зачини во светот, но освен што на јадењата им додава карактеристична арома, поседува и бројни поволни здравствени својства. Ја поттикнува апсорпцијата на одделни нутритиенти како што се селенот и калциумот, и на антиоксидансите кои се наоѓаат во зелениот чај и куркумата. Поволно влијае и на цревната флора и делува карминативно, што значи ја намалува надуеноста и гасовите во стомакот и ги олеснува тегобите предизвикани со насобирањето гасови во цревата.
Се покажало и дека овој зачин го потпомага слабеењето и делува како диуретик, па на тој начин ја поттикнува детоксикацијата на организмот.
Истражувањата врз животни покажале дека биберот во исхраната може да ги намали нивоата на холестерол (ЛДЛ холестерол) во крвта, како и дека пиперинот кој се наоѓа во овој зачин поволно делува на здравјето на мозокот и помага во ублажувањето на симптомите кај Алцхајмерова и Паркинсонова болест. Пиперинот делува и антиинфламаторно и може да помогне и кај артритис и сезонски алергии.
