Одамна е познато дека црното вино штити од срцеви заболувања и деменција. Сега, научниците тврдат дека црното вино, исто така штити и од губење на слухот и е драгоцено за лицата кои работат на места каде што има голема бука. За ова е заслужна состојката во виното ресвератрол.
До овој заклучок дошле научниците од клиниката Хенри Форд во Детроит.
„Ние го испитувавме ресвератролот и неговото влијание на воспалителните процеси, поврзани со Алцхајмерова болест, рак, стареење и губење на слухот. Ресвератролот е моќен природен антиоксидант„ изјави д-р Мајкл Сејдман, раководител на студијата.
