Црвената детелина (Trifolium pratense) е билка која потекнува од Европа, но и од делови на северозападна Африка и западна Азија. Најчесто се користи нејзиниот цвет.
Бидејќи содржи изофлавони, црвената детелина се користи со децении како природен лек за ублажување на симптомите на менопаузата, вклучувајќи ги и промените во расположението и топлотните бранови. Затоа, поради своите лековити својства, овој тип на детелина е природна алтернатива на традиционалната хормонска заменска терапија.
Здравствени придобивки поврзани со црвена детелина се навистина многубројни. Лековитата билка е одличен експекторанс, што ја прави корисна во лекување на болести како што се бронхитисот и астмата. Цветовите на црвената детелина имаат, исто така, и диуретично и седативно својство, како и јако антивоспалително дејство.
Црвената детелина може да им користи и на лицата кои патат од остеопороза, бидејќи изофлавоните во оваа лековита билка делуваат како фитоестрогени кои можат да помогнат во изградбата на густината на коските.
Освен тоа, црвената детелина ја подобрува циркулацијата, ја зголемува концентрацијата на добриот холестерол во организмот и ги зајакнува артериите. Таа е и извонреден прочистувач на крвта и црниот дроб.
