Ако на кожата сте забележале црвена точкичка која претходно не сте ја имале, не грижете се работи за ангиом – мал бениген тумор кој се состои од крвни садови и најчесто е потполно безопасен.
Постојат две причини зошто се појавуваат:
Возраст
Многу луѓе ги добиваат по 30 година од животот. Главно се работи за мошне мали точкички кои најчесто се наоѓаат на телото, рацете и рамената, а жените може да ги имаат и на градите. Се појавуваат заради промените на кожата и крвните садови кои доаѓаат со годините.
Проблеми со здравјето или лош начин на живот
Ако ангиомот изгледа како точка со крвни садови од кои се разгрануваат други крвни садови, тоа може да укажува на проблеми со црниот дроб, на болести на крвотокот или хормонска нерамнотежа во телото. Овој вид се нарекуваат пајаковидни (спајдер) ангиоми. Најдобра превенција од појавата на ангиоми е здравиот живот и урамнотежената исхрана. Јадете многу овошје и зеленчук и не заборавајте на здравите масти како оние од авокадото и маслиновото масло. Тоа ќе помогне кожата да ви остане млада и здрава. Ангиомите може да се отстранат со ласер.
