Градите се зголемиле
Тоа може да биде знак дека сте се здебелиле, но може да укажува и на предменструален синдром и да биде нуспојава на хормонска контрацепција. Мора да се посоветувате со лекар. Наглото зголемување на градите може да укажува и на бременост.
Градите се намалиле
Тоа главно е знак на губење на телесна тежина, оти градите се полни по масни клетки и декое губење на килограми очекувано влијае и на градите.
Едната дојка е поголема
Разликата меѓу дојките најчесто е видлива во текот на предменструалниот период. Но, тоа може да укажува и на рак на дојка. Секоја невообичаена промена на ткивото која го менува обликот на градата е предупредување и мора да отидете на лекар.
Црвенило на кожата под градите
Може да укажуава на алергија на било кој метал, често цвренилото е реакција на жиците во градниците. Кај жените со големи гради може да укажува на воспаление на кожата, оти триењето со потта создава иритација.
Топчиња на ареолата или во ткивото на дојката
Главно укажуваат на природни промени на брадавицата, кои се особено воочливи во телот на менструалниот циклус, но и во стресен период. Но, поголемо топче како јазол може да укажува на тумор или на циста.
Големи испакнувања во ареолата
Може да укажуваат на цисти, кои обично не се опасни, но треба редовно да правите самопреглед на дојките. Можно е да се работи и за тумор. Секоја промена на дојката, особено онаа која може да се види или почувствува, треба веднаш да се пријави кај лекар.
Влакна на брадавиците
Може да укажуваат на рекација на козметика или препарати, вклучувајќи и лекови кои содржат машки хормони. Ако сте сколни кон акни и имате нередовен менструален циклус, можно е да имате синдром на полицистични јајчници.
Јадеж на брадавиците
Тоа може да укажува на алергиска рекација на некој спаун, лосион или ткаенина. Иако ретко, брадавиците кои чешаат, може да бидат симптом и за тумор.
Црвен исцедок од брадавиците
Може да биде знак на тумор и треба веднаш да побарате лекарско мислење.
Задебелување во било кој дел од дојката
Можно е да се работи за циста. Ако задебелувањето е кружно и се мрда на притисок, веројатно се работи за бенигна циста, со големина од околу еден сантиметар. Но, може да укажува и на рак на дојка. Не ја занемарувајте оваа промена, особено ако задебелувањето се менува под притисок на прст, веднаш отидете на лекар.
