Црвеното вино има голем број на фанови кои секојдневно дознаваат по некоја нова вест врзана за неговиот ефект врз здравјето на човекот.
Имено, научниците од Шпанија тврдат дека црвеното вино е одлично за орална хигиена, поради своите состојки кои го забавуваат растот на бактерии кои предизвикуваат кариес и на тој начин ги штитат забите.
Истражувањето покажа дека луѓето кои редовно консумираат умерени количини на црвено вино имаат поздрави заби во средно и трето доба, што е одлична вест, бидејќи кариесот, разните болести на непцата и губењето на забите, погодува и до 90 отсто од населението во светот.
Црвеното вино не може потполно да ги убие бактериите кои создаваат биофилм на забите, кој доведува до кариес, но значително ќе го забави нивното дејствување, што во комбинација со редовна орална хигиена би требало да ги спречи проблемите со забите.
