Со оглед дека цветниот прав (полен) е продукт кој содржи многу хранливи и лековити состојки се смета за природен стимулатор на имунитетот.
Поленот е суперхрана за луѓето бидејќи содржи:
- Витамини;
- Минерали;
- Аминокиселини;
- Фитостероли;
- Антиоксиданти;
- Липиди;
- Ароматични спојки;
- Незаситени масни киселини.
Пчелиниот полен го зајакнува имунолошкиот систем преку своите антиоксидантни својства. Антиоксидантите се користат за да ги деактивираат слободните радикали во телото. Слободните радикали се нуспроизводи на кислородот што можат да ги оштетат клетките и се поврзани со голем број на дегенеративни болести, особено оние кои се поврзани со стареењето. Антиоксидантите можат да го блокираат понатамошното оштетување, па дури и да намалат голем дел од клеточната оксидација која е веќе направена. Во него се содржат речиси сите минерали кои ги има во крвта. Се смета за одличен извор на железо, бакар и манган.
