Во повеќето случаи, туберкулозата најпрви ги погаѓа белите дробови, а потоа и останатите органи, вклучувајќи го и окото. Туберкулозата на око тешко се дијагностицитра, оти 60% од заболените од туберкулоза со симптоми надвор од дишниот систем, немаат симптоми ниту на белите дробови. Од таа причина, туберкулозата на окото треба да биде една од дијагнозите која треба да се земе предвид во секој случај на внатрешни воспаленија во окото.
ПРИЧИНИ
Туберкулозата е заразна болест предизвикана од бактеријата Mycobacterium tuberculosis. Увеитисот или воспаление на увеата – васкуларната покривка на окото е најчеста манифестација на туберкулоза на окото. Се уште не е познати дали туберкулозата на окото е резултат на директна инфекција со бактеријата или настанува како последица на одложена реакција на пречувствителност. Најчесто се појавува со ширење на бактеријата преку крвта од некое друго примарно место на влез, како белите дробови.
СИМПТОМИ
Обично се манифестира со увеитис, односно воспаление на увеата – васкуларната покривка на окото, која се наоѓа помеѓу ретината и белката на окото, но може да дојде до воспаление и на надворешните структури на окото.
- Црвенкасто-кафеави мали јазли на очниот капак (со нивно притискање им се менува бојата)
- Катаракта
- Глауком
- Појава на гранулом
- Крварење во окото
- Воспаление на рожницата
- Апцеси
- Невроретинитис (воспаление на очниот нерв и мрежницата)
- Слепило
