Ракот на бели дробови е болест која се почесто ги погодува младите луѓе. Прв знак дека нешто не е во ред, секако, е упорната кашлица, која долго време не поминува, губењето на здивот, но и болката во грбот и градите. Она што е карактеристично кај туморите на бели дробови е дека симптомите се јавуваат веќе во почетната фаза од болеста. Меѓутоа кога клетките на ракот ќе се прошират и мутираат може да се јават и други бројни симптоми кои никогаш не би се поврзале со карциномот. Се работи за специфични дразби во прстите на рацете и стапалата кои можат да укажат на опасно заболување.
Иако се работи за ретки симптоми, одделни пациенти откриле дека доживеале чувство на печење, како некој да им забодува игли, како и вкочанетост на прстите на рацете и нозете. Токму овие симптоми обично се јавуваат кај пациентите кај кои клетките на рак произведуваат хормони кои доспеваат во крвотокот.
„Токму хормоните можат да предизвикаат појава на необични симптоми кои обично не се поврзуваат со ракот на бели дробови. Лекарите ги нарекуваат паранеопластичен синдром“, објаснуваат од британската организација Cancer Research UK.
Други симптоми на рак на бели дробови кои се поврзани со хормоните може да бидат и:
- Слабост во мускулите;
- Поспаност, слабост, вртоглавица;
- Потење по градите кај мажите;
- Згрутчена крв.
Паранеопластичен синдром
Постои кај 10-20 отсто од болните, пред се, кај ситноклеточниот карцином на белите дробови, градите, јајниците, малигните лимфоми. Се појавува кога ракот произведува супстанца слична на хормоните, која навлегува во крвта и предизвикува проблем дури и кај оддалечените органи и ткива, кои не биле зафатени со ракот. Не е врзан за големината на примарниот тумор, а освен што може да претходи на дијагнозата на болеста, воедно може да се создаде доцна во еволуцијата на болеста, кога туморот рецидира.
