Магазинот „Њујорк пост“ објавил резултати од голема анализа спроведена во текот на оваа, 2018 година, и тоа од областа на психологијата. Истражувањето покажало дека околу 50 отсто од луѓето имаат поголеми шанси прерано да умрат заради лоши социјални врски, осаменост, за разлика од оние кои имаат соодветни интерперсонални односи со пријателите и семејството.
Осаменоста е најзастапен феномен на 21 век. Се поголем број луѓе патат од ментални пречки кои се предизвикани од недостаток на социјален контакт. Истражувањето потврдува дека поголем број луѓе ќе умрат од осаменост отколку од дебелина, што инаку е причина за проблеми со крвните садови и срцето.
Професорката по психологија Џулијан Холт Ланстад од Универзитетот Брајан Јанг, како водач на истражувањето изјавила дека да се биде општествено поврзан со другите се смета за човекова потреба која је клучна за квалитетот на животот.
„Општествената изолација или затворската самица се користат како форма на казна“, додала професорката.
Истражувањето потврдува дека луѓето денес се многу поосамени отколку во изминатите децении. Чувството на самотија прави луѓето да се чувствуваат лошо и ментално и физички.
Податоците од службата за национална статистика истакнуваат дека Велика Британија е најосамената држава во Европа.
Интересно е дека истражувањата покажуваат оти осаменоста почесто доведува до сериозно лоши здравствени состојби и заболувања.
Предлогот на Џулијам Холт е општеството да се сосредоточи на барањето излез низ развојот на општествени способности и комуникација на децата во училиштата за да имаат социјални вештини кои ќе им послужат низ животот.
