Главоболките се реативно чест проблем и за некои луѓе секојдневна тегоба. Постојат повеќе видови главоболки, како тензични, кластер мигренозни, а еден од привите чекори кај овие тегоби е адекватен внес на вода – дехидратацијата може да биде причина за тензични главоболки и мигрена. Магнезиумот е, исто така, добро помошно средство кај мигрената – едно истражување покажало дека 600 мг магнезиум-цитрат дневно ја ублажува зачестеноста и интензитетот на мигренозни главоболки. Ова количество на магнезиум меѓутоа кај поединци може да предизвика дијареја, па така не треба веднаш да се почнува со толкава доза магнезиум. Студиите покажале и дека витамините од Б-комплексот, поточно Б2, Б6, фолна киселина и Б12 можат да ги ублажат симптомите на главоболка.
Во форма на суплементи може да се зема и конезим Q10 – истражувања покажале дека со земање на 100 мг од овој коензим може да се ублажи зачестеноста, траењето и интензитетот на мигрените.
Недоволно сон (помалку од 6 часа во текот на ноќта) може да ја зголеми зачестеноста и силината на главоболката и затоа квалитетниот сон е од клучна важност за превенцијата од главоболки.
Храната со високо количество на хистамини во себе, како што се стари сирења, ферментирана храна, пиво, вино, чадена риба и чадени месни преработки може да предизвика мигрени кај личностите кои се склони на мигренозни главоболки. Одбегнувањето на овие намирници значи може да помогне во превенцијата од овој вид главоболки.
