Ултра преработената храна има огромно штетно влијание на здравјето на луѓето. Според последните истражувања, внесувањето на само 10 отсто повеќе ваква преработена храна ги зголемува шансите за 14 отсто за добивање сериозна болест. Оваа храна, не само што има значително влијание врз квалитетот на животот, туку исто така влијае на трајно оштетување на здравјето на долг рок. Особено, доколку е придружена со други нездрави навики, како што се пушењето и недостатокот на физичка активност.
Кога ќе сакате да донесете одлука оваа храна да ја изземете од дневното мени, треба да правите разлика помеѓу обработена и ултра обработена храна. Минимално преработената храна и по преработката ја задржува својата хранлива вредност и изглед, а тука спаѓаат овошните и зеленчуковите салати и пржените јаткасти плодови. Покрај нив и конзервираните туна, грав или домати, како и замрзнатото овошје и зеленчук, се здрави и полни со корисни хранливи материи.
Во безбедна преработена храна спаѓаат и снегулките, крекерите, тестенините, путерот, јогуртот и млекото со додаден калциум и витамин Д.
Она што треба да се избегнува храната која е толку многу преработена што речиси нема никаква врска со оригиналната форма, боја, ниту вкус. Тоа најчесто се брзите оброци, десерти и готовите оброци, кои се индустриски креации на сол, шеќер, масти и засилувачи на вкус и адитиви, па не може ниту да се наречат храна, ниту пак во нив да се очекуваат хранливи материи.
Ултра преработена храна што треба да се избегне
- газирани пијалоци
- маргарин
- сокови и вода со вкус на овошје
- инстант сосови
- инстант супи и десерти
- производи за намалување на тежината
- замрзнати готови јадења
- сите видови месни преработки
- колбаси
- хамбургери
- хот дог
- сладолед
- колачи и кекси
- гумени бомбони
