Ултра преработените намирници може да бидат поврзани со развојот на синдром на иритабилно црево, покажала новата студија. Во просек, ултра процесираните намирници сочинуваат околу 16 отсто од дневно консумираните намирници во тежина, што одговара на удел од 33 проценти од вкупниот дневен внес на енергија.
Синдромот на иритабилно црево (IBS) е функционално, хронично или рецивидирачко гастроинтестинално заболување, кое се карактеризира со болки во стомакот, надуеност и пореметување на празнењето на цревата во форма на запек или дијареја.
Инаку, во изминатите неколку децении, потрошувачката на ултра преработена храна значително е зголемена, што е загрижувачки, со оглед на фактот дека овие намирници се богати со енергија и содржат голема количина на шеќери, масти, заситени масти и натриум.
Познато е дека зголемениот внес на ултра преработена храна го зголемува и ризикот од дебелина и метаболички синдром
Идните истражувања би требало поблиску да го истражат влијанието на внесувањето на ултра преработена храна врз здравјето, пишува „The American Journal of Gastroenterology“.
Што спаѓа во ултра преработена храна?
Групата на ултра преработена храна е опасна закана по здравјето, а во неа спаѓаат индустрискиот леб и печива, чоколади, бисквити, сокови и слатки пијалаци во кои се додадени вкусови, т.н. nugget храна и преработена риба, инстант супи, замрзнати и готови јадења во кои се додадени конзерванси, кулинарски производи со хидрогенизирани масла и модифициран скроб.
Тука спаѓаат и јадењата во чии индустриски процеси е вклучена хидрогенизација, хидролиза, претходна обработка со пржење и јадења на кои се додаваат бои емулгатори, текстуризери, засладувачи и други адитиви.
