Спаѓате ли и вие меѓу лицата кои се жалат на главоболка, притисок или болки во зглобовите и коските кога ќе настапи промена на времето? До неодамна погрешно сме мислеле дека на такви симптоми се жалат само поворзасните лица и болните, но реалноста е сосема поинаква!
Човечкиот организам е многу чувствителен на промени во температурата, влажноста, ветерот, притисокот на воздухот, позитивна или негативна јонизација на воздухот, а особено кога тие промени настапуваат нагло. Станува збор за метеоропати – лица кај кои појавата на здравствени тегоби или влошувањето на основната болест е поврзана со лошите временски услови.
Статистиката покажува дека секој трет жител на Земјата е метеоропат!
“Човечкиот организам реагира на промените во температурата, влажноста, притисокот на воздухот, особено ако се работи за нагли промени. Реакциите на организмот се објаснуваат со промените во невроендокринолошкиот систем, на кои, некои лица (метеоропатите) се поподложни и поизразено реагираат на таквите промени од оние помалку чувствителните лица“, открива д-р Сања Кршек, специјалист по семејна медицина.
“Под влијание на временските услови доаќа до засилено лачење на на хормонот на предниот дел на хипофизата АЦТХ (хормон на стрес). Со зголеменото лачење на овој хормон истовремено со механизам на негативна повратна спрега се намалува лачењето на ендорфин , кој често се нарекува и хормон на среќата. Поради релативниот недостаток на ендорфин доаѓа до зголемена чувствителност, и не само во смисла на намалено расположение, туку и до телесни манифестации, како што се зголемена чувствителност на мускулниот, тетивниот и нервниот систем. Затоа, под влијание на лошите метеоролошки услови може да се појави главоболка, замор, несоница, болки во коските, вртоглавица, раздразливост, пречки во концентрацијата, кај хроничните болни може да дојде до влошување на симптомите на хроничната болест“, предупредува д-р Кршек.
На наглите промени на атмосферскиот притисок особено се чувствителни срцевите болни, а почесто и жените во средни години.
КАКО ДА СИ ПОМОГНЕТЕ?
Стручњаците советуваат правилна исхрана (да се обрне внимание на внесот на овошје и зеленчук), внесување доволно течности, доволно спиење и секојдневна телесна активност (околу половина час).
Според д-р Кршек, од исклучителна важност е почестиот престој во природа во сите временски услови, за да на природен начин се зголеми способноста на организмот да се прилагоди на бројни временски прилики.
