До неодамна погрешно сме мислеле дека на такви симптоми се жалат само повозрасните лица или болните, но реалноста е сосема поинаква.
Човечкиот организам е многу чувствителен на промените на температурите, влажноста, ветерот, притисокот на воздухот, врнежите, позитивната или негативна јонизација на воздухот, а особено кога тие промени настапуваат нагло. Така зборуваме за метеоропати – лица кај кои појавата на здравствени тегоби или влошување на основните болести е поврзана со лошите временски услови. Статистиката вели дека секој трет жител на Земјата е метеоропат!
“Човечкиот организам реагира на промени во температурата, влажноста, притисокот на воздухот, особено ако се работи за нагли промени. Реакциите на организмот се објаснуваат со промените во невроеднокринолошкиот систем, со што некои лица (метеоропатите) се поподложни и побурно реагираат на таквите промени од оние помалку чувствителните“, вели д-р Сања Кршек, специјалист по семејна медицина.
“Под влијание на временските промени доаѓа до засилено лачење на хормонот на предниот дел од хипофизата ACTH (хормон на стрес). Со зголеменото лачење на ACTH истовремено со механизам на негативна повратна спрега, се намалува лачењето на ендорфин, кој често се нарекува и хормон на среќата. Поради релативниот недостаток на ендорфин, доаѓа до зголемена чувствителност, не само со смисол на намалено расположение, туку и физички манифестации, како што се нагласена чувствителност на мускулниот, тетивниот и нервниот систем. Поради тоа, под влијание на лоши метеоролошки прилики, може да се јави главоболка, замор, несоница, болки во коските, вртоглавица, раздразливост, проблеми со концентрацијата и вниманието, а кај хорничните болни може да дојде до влошување на симптомите на хроничните болести“, предупредува д-р Кршек.
На наглите промени на атмосферскиот притисок, особено се чувствителни срцевите болни, повозрасните лица, а нешто почесто и жените во средни години.
КАКО ДА СИ ПОМОГНЕТЕ?
Експертите советуваат правилно да се храните (обрнете внимание на богат внес на овошје и зеленчук), да внесувате доволно течности, да спиете доволно и да се занимавате со некоја физичка активност секој ден (околу половина час).
Имено, физичката активност го подигнува нивото на ендорфин и серотонин – хормони на среќата, а поволно влијае, не само на физичкото, туку и на менталното здравје. За хроничните болни, исклучително е важно редовно да ја земаат пропишаната терапија.
“Стручњаците кои повеќе се занимаваат со оаа област ја истакнуваат исклучителната важност на што почестиот престој во природа во сите временски услови со цел природно да се зголеми способноста на организмот да се прилагоди на бројните временски услови“, заклучи д-р Кршек.
