Доколку цела ноќ сте останале будни или лошо сте спиеле, следното утро најверојатно нема да ја избегнете малаксаноста. Кога телото недоволно се одмора во него се јавува желба за јаглехидрати. Ова првенствено се јавува како потреба да се поткрене енергијата која во тој момент е во пад. Тој енергетски додаток ќе трае само 30 до 45 минути, по што повторно ќе потонете. Недостатокот на сон предизвикува стрес кој, исто така, предизвикува желба за слатки. Како што објаснуваат научниците – кога сте под стрес телото се обидува да произведе серотонин кој би ве смирил.
Недостатокот на сон носи вишок килограми дури и доколку се храните здраво затоа што тогаш телото тешко ги балансира хормоните. Кога хормоните за апетит се во дисбаланс, метаболизмот се забавува, а апетитот се зголемува. Науката вели дека оние кои имаат проблем со недостатокот на сон внесуваат и до 300 калории вишок дневно.
Кога ќе влезете во рутината на неспиење тешко е да се вратите во првобитната положба. Иако почнувате почесто да спиете, нестабилноста на организмот се продолжува како и стресот и незадоволството, а нездравите навики и понатаму се присутни.
