Заштитните маски од вчера се обврска за секој граѓанин во земјава. Во насока на заштита од коронавирусот на сила е уредба на Владата за носење на лична заштитна оперма за носот и устата, а кој подразбира: респираторна маска, хируршка маска за еднократна употреба, текстилна маска за повеќекратна употреба, памучна марама или шал и слично. Според оваа обврска, задолжително е носењето на заштитна опрема за покривање на носот и устата во сите јавни затворени простори како што се средства за јавен превоз, маркети, банки, пошти, амбуланти, болници, институции, како и на отворени простори каде што нема можноста за одржување на дистанца од два метри помеѓу граѓаните како што се пазари,отворени трговски центри, тесни улици, автобуски постојки и слично.
Но, секојдневното носење маска за лице може да има и свои негативни страни.
Освен здравствените работници, и останати лица кои работат во директен контакт со луѓе, своите заштитни маски не ги тргаат од лицето и над осум часа, а како последица на тоа, на кожата доаѓа до појава на црвенило, иритација, па дури и лузни.
“Константното триење на било каков вид на ткаенина од кожата може да доведе до иритација. Кога на тоа ќе се додаде и потта, природните масла, нечистотијата и шминката која се собира под маската, иритациите се неизбежни. Тоа може да предизвика осип, па дури и мозолчиња, особено на подрачјето каде маската директно доаѓа во контакт со кожата. Во ситуацијата со здравствените работници кои со часови носат маски, може да дојде до сериозни оштетувања на кожата, како модринки и лузни“, вели д-р Џошуа Зеихнер, дерматолог од Њујорк.
Причината поради која доаѓа до иритација е превенствено таа дека дишеме директно во маската, поради што во неа се задржува топлина. Кожата во тој момент станува испотена, што може да доведе до појава на акни, а во комбинација со триењето доаѓа и до иритација. Но, постојат превентивни начини со кои може да избегнете иритација.
ЗЕМЕТЕ ЈА ПРЕДВИД ТКАЕНИНАТА ОД КОЈА Е НАПРАВЕНА МАСКАТА
Неважно дали сте купиле маска или сами сте ја направиле, запрашајте се од која ткаенина е направена. Тоа може да прави огромна разлика. Избегнувајте синтетички маски под кои кожата повеќе се поти, и бирајте маска од природни и меки материјали, како што е памукот.
НЕ КОРИСТЕТЕ ШМИНКА
И покрај фактот што одите на работа, дерматолозоте советуваат некое време да заборавите на шминка. Оставете ја кожата да диши. Шминката може да ги запуши лојните жлезди и да предизвика појава на акни и да ја влоши состојбата акј веќе проблематичната кожа.
БЕЗ ГРУБИ И АГРЕСИВНИ ПРОИЗВОДИ ЗА ЧИСТЕЊЕ НА ЛИЦЕТО
“Важни е да се користат ултра нежни средства за чистење и хидратантни креми“, предупредува д-р Заихнер, кој вели дека “грубите средства за чистење на лицето може да го оштетат надворешниот слој на кожата, што доведува до сувост и воспаление.
ИСЧИСТЕТЕ ГО ЛИЦЕТО ВЕДНАШ ПО КОРИСТЕЊЕ ЗАШТИТНА МАСКА
Според дерматологот Рене Роуле, порите на кожата се како цевки кои пукаат под притисок, откако ќе се запушат од нечистотија. Потта и нечистотијата кои се собираат под маската, ќе ги запушат порите, што ќе доведе до појава на акни. Затоа е важно, по секое користење на маска, да се измијат рацете, а потоа и лицето. Освен со чиста вода, лицето може да се исчисти и со антибактериски тонер кој ќе ги елиминира сите бактерии од кожата.
УБЛАЖЕТЕ ГО ТРИЕЊЕТО СО ПОМОШ НА КРЕМА ИЛИ МАСТ
На кожата овие денови ќе и биде потребна дополнителна нега, а особено по користење на маската. Ако на кожата сте забележале ситни мозолчиња, секојдневно мијте го лицето и користете препарати за спречување на појава на акни, а ако кожата е сува и црвена посегнете по смирувачки производ за лицето.
Ако сте склони кон иритации, користете хранливи креми директно пред ставање на заштитната маска, како би спречиле црвенило и иритација. Користете смирувачки балсами и масла.
На кожата може да се појави и црвенило, гребаници и модринки, особено под очите и во пределот на носот, каде кожата е потенка. Обичен вазелин може да го намали триењето на кожата и да ги заздрави раните, а служи и како одлична бариера помеѓу лицето и маската.
