Овошјето и зеленчукот со портокалова боја, кои се богати со бета каротен, ги штитат сперматозоидите, односно оштетувањата на нивната ДНК. Се покажало дека на таа листа, предничи морковот, кој, како што истакнуваат стручњаците од Харвард, има најголемо влијание на здравјето на спермата.
Анализиран бил квалитетот на спермата кај над 200 мажи, со посебен акцент на нивните прехранбени навики. Заклучокот бил дека оние кои внесувале повеќе антиоксиданти од морков, а особено витамин А, можеле значајно да ги подобрат шансите да станат татковци.
Благодарение на морковот, подвижноста на сперматозоидите била зголемена за 10%, поради што полесно можело да дојде до оплодување на јајце клетка.
Научниците го налаизирале и влијанието на останатиот зеленчук и овошје на спермата. Утврдено било дека компирот и лубеницата делуваат на квалитетот на спермата и на вкупниот број сперматозоиди, додека доматот го намалува бројот на абнормални сперматозоиди.
