Лицата кои имаат КОВИД-19, но немаат симптоми, имаат иста количина на вирусот во носот и во грлото, како и оние со симптоми и може да играат главна улога во ширењето на болеста, открива ново истражување.
Истражувачите го споредиле нивото на SARS-CoV-2 кај 213 лица во Јужна Кореја кои имале позитивен тест на вирусот.
Нивните симптоми биле од никакви до сериозни, вклучувајќи температура, треска, болки во мускулите, замор, течење на нос, затнат нос, губење на осет за мирис или вкус, воспалено грло, потешктии со голтање, кашлица, создавање слуз, кашлање крв, главоболка, вртоглавица, губење на апетит, мачнина, повраќање, болки во стомакот и пролив.
Пациентите биле примени во установа за нега, поради изолација и следење. Педесет и четири проценти од болните без симптоми имале позитивен тест на SARS-CoV-2, како и 64 процнети на оние со благи симптоми. Истражувачите изјавиле дека немало значајна разлика во вирусното оптоварување помеѓу тие две групи.
“Земајќи предвид дека поголемиот дел од асимптоматските пациенти со КОВИД-19 веројатно ќе останат незабележани од страна на здравствените работници и ќе продолжат да функционираат во заедницата, таквите поединци може да делуваат како клучна движечка сила за ширење на КОВИД-19“, заклучиле авторите на студијата.
Додека не се дознае колку се заразни лицата без симптоми, тестирањето треба да се прошири на одредени групи како мерка на претпазливост, препорачале истражувачите.
“Нашите податоци даваат дополнителна поддршка за употребата на маски за лица и сугерираат декакругот на тестирања на SARS-CoV-2 треба да се прошири така да ги опфати и асимптоматските лица во високо ризичните опкружувања, како домовите за нега или здравствените установи“, се вели во заклучокот на студијата.
