Ако за очите се вели дека се огледало на душата, тогаш треба да знаете дека устата е огледало на здравјето, бидејќи може многу да открие за состојбата во која се наоѓа вашиот организам. Погледнете ја устата (сосе внатрешноста), па се што ќе забележите – од испуканата уста до крвавењето на непцата, може да открие многу за вас, односно за вашето здравје.
Испукана усна
Иако сметате дека вашата исхрана е избалансирана мошне лесно може да се случи да ви недостасува некој важен витамин или минерал. Понекогаш тој недостаток се гледа на усните кои се испукани. Доколку усните ви станат сиви и имате болни пукнатини на аглите, можеби ви недостасува железо, цинк, витамин Б3 или Б6. Состојбата може да се поправи со зголемен внес на црвено месо, лосос, јајца или листест зеленчук.
Крвавење на непцата
Сериозно крвавење може да биде последица на опасно заболување, како некое срцево заболување или дијабетес тип 2. Крвавењето за време на миењето на забите или при употреба на конец покажува дека имунитетот се бори со некои опасни патогени во телото. Воспалението може да укажува на пореметена рамнотежа во цревата до која доведуваат одредени лекови, како и алкохолот. Дисбалансот во цревата познат како дисбиоза е поврзана со состојби како што се алергиите, дијабетесот тип 2, дебелина, па дури и оштетување на мозокот како што е деменцијата.
Воспаление на непцата
Нормално ги миете забите, но сте забележале дека непцата ви се воспалени и дека крвават. Гингивитисот е вообичаена состојба за време на бременоста затоа што доаѓа до хормонски промени, па циркулацијата на крвта е поголема и непцата стануваат почувствителни, иритирани, отечени. Доколку не сте бремени, тогаш до воспаление може да довело наталожувањето на наслаги по забите затоа што можеби не ги миете забите како што треба.
Истрошени заби
Чкрипење со забите или бруксизам – често е предизвикан заради мала вилица и се јавува почесто кај жените отколку кај мажите. Заради тоа протокот на воздух е помал, па луѓето кои патат од бруксизам често имаат испрекинат сон. Оваа активност ја контролира симпатичкиот нервен систем кој влијае на отпуштањето адреналин и го става телото во стресна ситуација и доведува до чкрипење со забите. Решение се посебни протези, вежби за дишење пред спиење и медитација.
Испукани, оштетени заби
Кај постарите личности се јавува опасност од ронење на забите, но ова не е појава која доаѓа само со годините. Може да се случи на која било возраст и обично е предизвикано заради зголеменото количество киселина која од желудникот стигнува до забите.
Рани во устата
Можат да бида последица на нешто сосема безопасно како врела храна, но и грубо миење на забите. Но кога некоја отворена рана во устата нема да се повлече за недела или две треба да појдете на лекар и да проверите да не се работи за рак. Оралниот рак има мала стапка на излеченост и преживеани и тоа само 35 отсто, но причината најчесто е затоа што болеста доцна се открива. Пушачите имаат 6 пати поголеми шанси за орален рак, но само еден од 4 рака се јавува кај непушачи. Сомнителните рани се најчесто обрабени со црвени или бели рабови. Можеби се наоѓаат под јазикот или некаде околу забите, па е тешко да се воочат.
Зголемени непца
Ако забележите дека непцата ви нараснале до тој степен да преминуваат преку забите, а притоа земате терапија за некое срцево заболување или имунитет, веднаш појдете на лекар. Можеби дозата ви е преголема. Ова може да доведе до отежнато миење на забите и појава на кариес. Во најекстремните случаи може да се случи и целиот заб да биде прекриен.
