Започнувањето на денот со едноставен, но здрав пијалок може да има големо влијание врз вашето варење и имунолошкиот систем.
Експертите за исхрана често нагласуваат дека она што го консумираме наутро може да го одреди текот на денот – од начинот на кој ја вариме храната до тоа како нашиот имунитет се справува со предизвиците, објавува Index.hr.
Затоа одредени пијалоци можат да обезбедат двојна корист: стимулирање на дигестивниот систем и истовремено зајакнување на имунолошкиот одговор.
Диететичарите и нутриционистите нагласуваат дека не е потребно да се посегнува по комплицирани рецепти или скапи додатоци – состојките што повеќето од нас ги имаат дома се доволни.
Два пијалоци се издвојуваат особено бидејќи ја комбинираат едноставноста на подготовката со моќен ефект.
Топла вода со лимон
Еден од најпознатите утрински пијалоци е топлата вода со неколку капки свеж сок од лимон.
Лимонот е добар извор на витамин Ц, кој е важен за зајакнување на имунитетот, а кога се комбинира со топла вода, помага и за започнување на варењето по будењето.
Топол чај од лимон помага при губењето на килограми, го зајкнува имунитетот и ги стимулира цревата
Овој пијалок е лесен за подготовка и му дава на телото мало зголемување на хидратацијата на почетокот на денот.
Нутриционистите објаснуваат дека лимонската киселина може да го олесни разградувањето на храната и да ги стимулира цревата.
Редовното пиење на овој пијалок наутро може да придонесе за подобра апсорпција на хранливи материи и да го намали чувството на надуеност, што го прави идеален избор за оние кои сакаат избалансиран почеток на денот.
Чај од ѓумбир
Ѓумбирот е познат по своите антиинфламаторни и антибактериски својства, а токму оваа комбинација го прави одличен сојузник на имунолошкиот систем.
Шолја топол свеж чај од ѓумбир наутро може да го смири желудникот, да ја намали мачнината и да помогне при проблеми со варењето.
Ѓумбирот помага при варење на храната, при циркулацијата и е одличен сојузник на имунолошкиот систем
Покрај тоа, дава природно чувство на топлина и енергија, па затоа многу експерти за исхрана советуваат да го вклучите во вашата утринска рутина.
Нутриционистите го нагласуваат и позитивниот ефект на ѓумбирот врз циркулацијата, што дополнително му помага на телото подобро да функционира во текот на денот.
Сепак, бидејќи чајот од ѓумбир може да има благ диуретичен ефект, експертите препорачуваат пиење многу вода во топлите денови за да се спречи дехидрација.
