Како и остатокот од телото, така и вагината старее. Секоја жена и секоја вагина се поинакви, но ова се промени кои може да ги очекувате со годините.
Во 30. години
Жените кои во овој период користат орална контрацепција може да почувствуваат сувост на вагината. Тоа се случува затоа што таблетите ја стопираат овулацијата, што може да го ограничи природното подмачкување.
Бременоста и породувањето исто така имаат големо влијание на вагината, а некои од промените се изненадувачки. На пример, некои жени може на вагината да добијат проширени вени, поради тежината на матката за време на бременоста. Хормоните во бременоста може да ја променат и бојата на кожата на вагината, и таа да стане потемна.
Во 40. години
Ако претходно редовно сте ги отстранувале влакната, во 40. Може да ги забележите последиците од постојаното депилирање или бричење, и тоа во облик на пигменатција и други кожни промени. Влакната на тој дел сега помалку се истенчуваат, а тоа, велат стручњаците, може да биде поради падот на естрогенот. Тој оад сигнализира предменопаузен премин кој веројатно ќе почне во ова десетлетие, ако се земе предвид дека повеќето жени обично влегуваат во менопауза помеѓу 50 и 52 години. Може да забележите сувост, како и промена на елсатичноста.
Во 50. години
Менопаузата со себе носи најзабележлива вагинална промена, а жените во текот на овој период и најчесто одат на консултации кај својот гинеколог. Опаѓањето на естрогенот доведува до стеснување на не така еластичното вагинално ткиво, како и сувост. Што при сексуален однос може да предизвика иритација, како и потреба за мокрење. Со годините вагината ги губи наборите, и во текот на менопаузата може да се смали. Во овој период се менува и пХ вредноста, и вагината станува покисела и почувствителна на инфекции.
Во 60. години
Валунзите и ноќното потење може да потраат неколку години, но со тек на време тоа исчезнува. Но, вагиналните промени по менопаузата само се влошуваат. Над 50% од жените имаат проблем со сувост на вагината, и сексот станува проблематичен. Жените може да доживеат и сериозни промени, како што е пролапс на матката и вагината.
