Кралицата Летиција секој ден изгледа се подобро. Освен што за тоа во голем дел се заслужни гените, голема улога игра и посебниот начин на исхрана со чија помош ја одржува линијата.
Станува збор за режим на исхрана кој ги вклучува сите групи храна, а особено здравите намирници како што се свеж лосос, зелен зеленчук, шумско овошје и екстра девствено маслиново масло.
Оваа диета се смета за една од најздравите затоа што приоритети и се здравата исхрана и здравиот начин на живот воопшто, а не губењето тежина. Периконе диетата става акцент на т.н. здрави калории. Покрај тоа што се држи до овој режим на исхрана евидентно е и дека кралицата вежба, а обликуваните раце, рамена и нозе сведочат за тоа.
Периконе диета
Намирниците кои се препорачуваат се јаболка, круши, спанаќ, кељ, карфиол, авокадо, ленено семе, сусам, бадеми, ореви, грав, леќа, млечни производи со низок процент маснотија, хељда и зоб.
Се разбира, најдобар извор на протеини е рибата затоа што има голем процент на омега-3 масни киселини. Со риба може да се јаде и пилешко и црвено месо кое би требало да биде од органско потекло.
Творец на оваа диета е Николас Периконе, кој секое јадење приготвено со брашно, шеќер или други засладувачи го смета за храна која предизвикува воспаление. Затоа листата на оние намирници кои не би требало да ги јадете е прилично долга и вклучува леб, пченкарни снегулки, крекери, пржена храна, купечки готови сокови, тестенина, пица, компир, ориз, сладолед и грицки.
Секој оброк би требало да опфати протеини кои прво треба да ги изедете за да ја задоволите гладта, потоа дозволени се јаглехидрати и есенцијални масни киселини.
Исто така, на ден може да се изеде до 50 г темно чоколадо богато со антиоксиданти.
