Руската компанија Embryo 3D на чело со Иван Гридин почнала да нуди услуги на 3Д изработки на модели на бебиња од стомакот кои се прават со помош на снимка од ултразвук.
Иако идејата всушност звучи по малку чудно, развиена е со цел идните родители и лекарите кои ја водат бременоста да можат подетално да го видат бебето во случај на телесни абнормалности кај плодот.
Гридин признал дека на идејата дошол заради своја блиска пријателка која се плашела дека нејзиното бебе не се развива како што треба, па неа ја зел и како пример за разработка на идејата.
Нешто слично во 2016 година понудија и Бразилците кои развија технологија на виртуелен Oculus Rift 3Д приказ на бебето, направена со помош на ултразвучни и МР снимки, а на која цел, исто така, и била откривање на најситните детали на изгледот на бебето во матката за да се откријат евентуалните неправилности.
Но Русите со овој чекор понатаму навистина направиле револуција, зашто идните родители сега не само што можат добро да видат како изгледа нивното бебе во тој период од развојот и да проверат дали е се во ред со бебето, туку можат и буквално да го допрат, подржат и гушнат, точно онакво какво што е во стомакот.
А иако и понатаму сето ова звучи прилично чудно, факт е дека технологијата се развива, па и за идните родители оваа услуга, се чини, навистина реална и многу подобра опција од матните фотографии од ултразвук.
