Новата британска вакцина против кламидија ги поминала први тестирања за безбедност, со што стана и првата вакцина од ваков вид тестирана врз луѓе.
Кламидијата е бактериска инфекција што се пренесува преку сексуален однос без заштита, дури и ако нема пенетрација. Инфицираното лице често нема симптоми, поради што уште се нарекува и тивка сексуално пренослива болест. Ако не се лекува може да доведе до сериозни компликации и да влијае на плодноста.
Во Британија на годишно ниво, дијагнозата на скоро половина од регистрираните случаи на сексуално преносливи болести е кламидија. Стручните лица велат дека вакцинацијата може да биде најдобриот начин за борба против неа.
Дополнителните тестови ќе покажат колку оваа вакцина е ефикасна и каква доза е потребна, но за тоа ќе бидат потребни години, а во меѓувреме, најдобриот начин да се избегне кламидија е да се користи заштита.
