Трендот станал толку популарен што напредокот во трчање и собирање ѓубре од пред некое време може да се следи и преку апликација за паметни телефони. „Плогингот“ подразбира додека се џогира ѓубрето да се собира со правилни „чучњеви“ или исчекори, така што во ниту еден момент не се прекинува тренингот.
Личностите кои се бават со „плогинг“ може да изгубат и до 288 калории за 30 минути, велат статистиките на една од апликациите за следење.
Дури 25 милиони корисници на оваа фитнес-апликација ги внесле своите резултати од „плогингот“ било да се бават со трчање или одење, а таа им ја пресметала потрошувачката на калории како што би се направило и за кој било друг тренинг.
Интересен тренд, кој можеби и не би било лошо да се пренесе и кај нас. Има места за трчање или одење, а богами и ѓубре за „чучњеви“ и исчекори. Условите се повеќе од идеални, па не чекајте!
