Меѓу најомилените, а после шафранот и како најскап зачин, се издвојува ароматичната ванила. Незаменлива состојка во десертите, а многу е застапена и во козметичката индустрија. Завзема важно место и во алтернативната медицина, а нејзината лековитост е потврдена со многу истражувања и во официјалната медицина.
Ванлилата се нарекува и кралица на зачините. Се користи како составен дел од лековитите мешавини против отрови, белодробни болести, па дури и против сифилис. Содржи витамини од групата Б, а од минерали калциум, магнезиум, калиум, манган, железо, цинк.
Заради овие состојки исклучително е делотворна во лекувањето на акните и кожните заболувања, ги ублажува симптомите на настинка, грип, стрес и напнатост. Помага кај желудочните тегоби, нередовни менструации, го зголемува либидото, а се препорачува и при мачнини за време на бременоста. Облоги од ванила ја намалуваат забоболката и ги ублажуваат изгорениците.
Вистинска и лажна ванила
На пазарите постојат многу производи со вештачка арома на ванила. Водете сметка да пронајдете вистинска ванила, бидејќи само таа има полна арома и лековити својства.
Моќен афродизијак
Германски научници неодамна спровеле истражување и заклучиле дека овој зачин поседува силни афродизијачки својства. Благиот мирис докажано влијае на либидото, па лица кои имаат проблем со ова, треба да носат со себе стапче ванила и по потреба да ја мирисаат, советуваат Германците.
Благотворен екстракст
Лековитиот екстракт од ванила може да го подготвите и сами дома. Во шише ставете две стапчиња ванила и посипете ги со една шолја ракија или вотка. Затворете го шишето и оставете го во темна просторија да стои два месеци. После ова екстрактот чувајте го на темно место во добро затворено стаклено шише додека не го потрошите. Може да се користи и во ароматерапија, да го додадете во напитоци или да ја мачкате кожата.
