Луѓето кои имаат варикозни вени или проширени површински вени на нозете, се изложени на 5,3 пати поголем ризик од создавање на опасни крвни згрутчувања, покажа новата студија, објавена во „Journal of the American Medical Association“.
Позната како длабока венска тромбоза (ДВТ), овие згрутчувања на крвта во нозете, би можеле да бидат опасни по живот ако стигнат до белите дробови или срцето.
Освен што не изгледаат убаво, варикозните вени обично болат и предизвикуваат замор во нозете
Варикозните вени не се само козметички проблем, со оглед на тоа дека можат да бидат поврзани со повеќе сериозни болести. Во САД, околу 23 проценти од возрасните имаат проблеми со проширени вени.
Освен што не изгледаат убаво, варикозните вени обично болат и предизвикуваат замор во нозете. Меѓутоа, многу луѓе со проширени вени немаат болки. Долните делови на нозете и глуждовите може да чешаат, особено кога ногата е топла по соблекувањето на чорапите. Чешањето може да доведе до гребнатини и да предизвика црвенило или осип што често неправилно се препишува на сувата кожа.
Исто така, треба да се напомене дека оваа студија покажа дека луѓето со проширени вени се изложени на поголем ризик од белодробна емболија и периферни артериски болести.
Со оглед на многу високата преваленца на проширени вени кај општата популација во светот, резултатите од оваа студија треба да ги поттикнат идните истражувања за понатамошно истражување на ефектот на проширени вени врз воспалението и создавањето на крвни згрутчувања и како тежината на варикозните вени влијае на длабока венска тромбоза.
