Грчевите се кошмар за секој родител. Затоа што наместо дома да имате спокојно бебенце кое среќно спие во своето креветче, во домот владеат плачење и хистерија на родителите. Се проценува дека дури 40 отсто од бебињата имаат грчеви, кои обично почнуваат во третата недела, а завршуваат во 4 месец од животот. Но и тука нема правила, зашто некои бебиња имаат грчеви уште во родилиштето, кои понекогаш траат додека бебето не наврши 6 месеци. За жал, класичната медицина не нуди одговор на прашањето што се грчевите и како се лекуваат. Грчевите не означуваат болест, туку се симптом. Причината се уште не е позната, но постојат неколку теории за тоа што би можело да ги предизвика.
- Алергија или чувствителност на некоја намирница од менито на мајката;
- Незрел дигестивен и нервен систем на детето;
- Гасови;
- ГЕРБ (гастроезофагеална рефлуксна болест);
- Проголтан воздух за време на хранењето или плачењето;
- Емоционален стрес на бебето после породувањето;
- Нервоза на родителите која се пренесува на бебето.
Моментално во светот превладуваат теориите за ГЕРБ и незрелост на дигестивниот и нервниот состав на бебињата, додека теоријата за влијанието на мајчината исхрана се смета за застарена.
Најновите истражувања им влеваат надеж на родителите, зашто тврдат дека има три природни начини кои навистина можат да помогнат во борбата со грчевите, и научно се докажани!
Пробиотици – најновиот метод на лекување, кој најмногу ветува се пробиотиците. Откриено е дека бебињата кои патат од грчеви имаат недостаток на пробиотички бактерии во гастроинтестиналниот тракт, заради тоа примената на пробиотици и тоа како има смисла. Исто така, многу ветуваат и билките (како што се камилицата, анасонот, маточината) кои делуваат смирувачки и го подобруваат варењето, иако до неодамна се сметало дека нивната делотворност е празноверие.
