Доколку знаете дека вашето патување ќе биде проследено со мачнина тогаш треба да имате на ум дека пред да тргнете во авантура треба да се напиете соодветно апче, но и да водите сметка за тоа што јадете и пиете. Одбегнувајте алкохол, но не и газирани пијалаци и кафе, кај некои луѓе нивото нивото на киселина во желудникот се намалува со консумирање на овие напитоци. Но, одбегнувајте напитоци кои долго се варат и кои ќе предизвикаат зголемено лачење на желудочна киселина. Грицкајте, на пример, солени крекери и маслинки, јаболка и банани.
Мачнината е најдобро да се превенира
Мачнината тешко е да се запре и санира, па затоа е најдобро да се превенира. Постојат лекови кои им се препорачуваат на сите оние кои имаат мачнини за време на патувања со моторни возила. Таблета треба да се испие барем половина час пред да седнете во возилото. Инаку, овие таблети содржат антихистаминици и хиосцин, кои можат да предизвикаат поспаност, па затоа пред да земете нешто на своја рака најдобро е да се консултирате со лекар.
Што всушност ја предизвикува мачнината
Мачнината која се јавува за време на движење на моторно возило се карактеризира со гадење, повраќање, пролив и несвестица проследена со препотување со студена пот. До мачнина доаѓа како резултат на движење на возилото при што се пореметува односот меѓу она што нашето око го гледа и она што нашиот центар за рамнотежа ќе го почувствува во тој момент. Окото ќе се прилагоди на новото движење, но увото нема и тогаш доаѓа до чувство на непријатност.
Мачнината е поголема доколку не гледаме каде се движиме
Синдромот наречен кинетоза може да се јави и надвор од моторно возило, односно во услови кога без претходно предупредување ќе се случи нагло движење на организмот во најразлични насоки. Мачнините за време на нагли промени на положбата на човековиот организам се сосема логичен одговор на промената на насоката на движење во однос на ритамот и движењето на кое нашето тело навикнало. Мачнината е посилна доколку немаме визуелен приказ на движењето.
