За да може докторот да ви ги препише сите потребни анализи и да постави правилна дијагноза, потребно е од вас да добие многу важни информации за вашето здравје.
Еве кои информации никогаш не треба да му ги затајувате на лекарот.
- Прехранбени навики
Кога ќе дојдеме на преглед кај доктор, обично веднаш чувствуваме вина ако се храниме нездраво. Понекогаш токму затоа и не сакаме да му кажеме на лекарот каква е всушност нашата исхрана, туку лажеме дека се храниме доста здраво. Од друга страна, понекогаш не сакаме да признаеме дека сме на ригорозна диета или дека се прејадуваме. Сето ова е од голема важност за лекарот.
- Употреба на лекови
Некои луѓе често користат различни лекови без знаење на лекарот или не поседуваат рецепт за нив. Сето ова влијае на нивното лекување, а може да влијае и на резултатите од крвта.
Кога вашиот лекар ќе ве праша како се чувствувате, немојте да ја сокривате вашата вистинска состојба и емоции. Тие можат да бидат манифестации на некои физички проблеми
- Пушење
Немојте да криете колку всушност пушите. Можеби тоа е една кутија дневно или неделно. Без оглед на тоа колку пушите, секогаш кажувајте му ја вистината на својот доктор за цигарите. Лекарите тврдат дека токму навиката за пушење е нешто за кое пациентите најмногу лажат.
- Алкохол
Исто како и цигарите и алкохолот е опасен за нашето здравје. Влијае на црниот дроб, еден од најважните органи во нашето тело. Информацијата за количината на алкохол која ја консумирате може да биде исклучително важна за поставување на правилна дијагноза.
- Додатоци
Ако, на пример, користите додатоци во исхраната, витамини или лековити билки, „пријавете ги“ на својот лекар. Кога одредени лекови ќе дојдат во контакт со овие додатоци, ефикасноста на лековите може да се поништи или да се интензивира, што не е добро за вашето здравје.
- Сексуален живот
Непријатно ни е да одговараме на прашања во врска со сексуалниот живот, бидејќи тоа е интимна работа, но информации како оние каква заштита користите и дали сте имале сексуално пренослива болест може да бидат важни за препишување на потребните анализи.
- Ментално здравје
Кога вашиот лекар ќе ве праша како се чувствувате, немојте да ја сокривате вашата вистинска состојба и емоции. Тие можат да бидат манифестации на некои физички проблеми. Многумина не знаат дека болната тироидна жлезда може да предизвика напади на паника и анксиозност. Искрениот разговор со лекарот може само да ви помогне, па затоа немојте да се двоумите да ја зборувате вистината.
