Раната дијагноза на деменција може да доведе и до подобро лекување на болеста, предупредуваат лекарите, па затоа е исклучително важно навреме да се препознаат и забележат симптомите.
“Се проценува дека околу 55 милиони лица во светот во моментов страдаат поради Алцхајмерова болест и останати причини за деменција, а се проценува дека до 2030 година, таа бројка ќе се зголеми на 78 милиони, а 2050 и до 139 милиони лица“, наведува д-р Ендру Бадсон, лекар ендокринолог.
“Едноставно нема доволно невролози, психијатри и невропсихолози кои би успеале да дадат дојагноза на сите лица кои страдаат поради когнитивни пропаѓање и деменција. Лекарите од општа пракса ќе мора да го превземат водството по ова прашање“, додава д-р Бадсон.
Овие се најчестите сигнали на деменција кои треба да ги запомните и следите, а кои ги истакнуваат лекарите.
- ГУБЕЊЕ НА ПОМНЕЊЕТО
Додека некоја форма на губење на меморијата, како што е барањето клучеви од автомобилот, не е сигнал за паника, драматичните промени во помнењето може да бидат симптом на деменција. “Важно ми е да го знам тоа кога сакам да дојдам до дијагнозата. Притоа, секогаш се прашувам дали имало големи промени во помнењето и размислувањето? Дали имало промени поради кои лицето повеќе не се чувствува добро?“, вели д-р Саманта Холден.
- ЗБУНЕТОСТ
Токму ова е еден од раните симптоми на деменција и можеби нема да се јави прв. “Чувството на збунетост е чест проблем кај лицата постари од 65 години. Пропаѓањето на нормалните когнитивни активности може да биде акутно или хронично, како и прогресивно. Кај повозрасните лица може да биде и симптом за делириум или деменција, иако може да се поврзе и со психози и нарушувања, како голема депресија“, се наведува на страната на Здружението на психијатри на САД, а се резултати од медицински истражувања.
- ПРОБЛЕМИ СО СПИЕЊЕТО
Нарушениот сон е тесно поврзан со деменцијата, а некои ќе ги искусат овие симптоми многу години пред да се постави дијагноза.
“Можеме да ги дијагностицираме проблемите со спиењето со набљудување на сонот на една личност. Има добри шанси да развијат форма на деменција, што е хронично когнитивно опаѓање и е трета најчеста деменција. Обично се јавува кај луѓе над 60 години или кај Паркинсонова болест “, објаснува неврологот Џејмс Леверент.
- ХАЛУЦИНАЦИИ
Деменцијата може да предизвика личноста да гледа работи кои не се во близина, предупредуваат лекарите. Др. Леверент додава дека ова станува проблем кога човек ќе почне да верува дека халуцинациите се реални и дека проблемот мора да се реши ако лицето мисли дека треба да повика полиција за да го реши проблемот или ако е толку исплашено што не може да заспие.
- ШТО Е ТОЛКУ СМЕШНО?
Губењето на способноста да се разбере шега може да биде еден од раните симптоми на деменција. “Ако забележите дека вашата смисла за хумор е многу променета, можеби е време да посетите лекар заради совет, но и за лекување“, советува д-р Кејти Пучеринг, советник за Алцхајмерова болест.
