Редуцирањето на дневниот внес на калории за 10 до 50 отсто би можело да го продолжи животот, покажале низа истражувања. На ова укажале и студиите направени меѓу човечките популации познати по долговечност, кои уште укажале и на поврзаноста меѓу понискиот внес на калории и намалениот ризик од хронични болести.
Редуцираниот калориски внес помага да се ублажат и предупредат два фактори на ризик за рана смрт, а тоа се прекумерна телесна тежина и масни наслаги во пределот на стомакот. Долгорочното намалување калории е невозможно, па дури и штетно по здравјето, но она што може да се стори е да се слуша организмот. Исто така, важно е да се избегнува какво било претерување во храната. Од друга страна, редовниот внес на одделни намирници придонесува за подобро здравје и долговечност, а тука спаѓаат јаткастите плодови и семките, зрнестото и јагодестото овошје, лукот и кромидот, зелениот листест зеленчук, јајцата, масната риба, маслиново масло, природно ферментираната храна, какаото, кафето и чајот.
