Кога можете да излезете од изолација по прележување на КОВИД-19, прд се зависи од тоа какви симптоми имате и колку време поминало од почетокот на болеста, а потоа и од резултатите од тестирањето. Иако неко стручњаци во земјава бараа да се направи измена поради доминирање на омикрон варијантата, која е позаразна, но болеста се манифестира во поблага форма, сепак на сила се уште се овие препораки:
Изолација на лице со потврден КОВИД-19 предвидува:
- Домашна изолација во период од 10 дена доколку лицето нема знаци и симптоми на болеста (согласно извештаите од матичен лекар)
- Домашна изолација во период од 20 дена доколку лицето има знаци и симптоми на болеста, согласно извештаите од матичен лекар, доколку во последните 3 дена нема симптоми. Доколку симптомите перзистираат, изолацијата се продолжува се додека не се појави период на 3 дена без симптоми.
- Хоспитализација во период над 20 дена, по која лицето се ослободува од изолација.
- Хоспитализација во период под 20 дена, по која лицето останува во домашна изолација се до 20-тиот ден, доколку последните 3 дена нема симптоми. Доколку симптомите перзистираат, изолацијата се продолжува се додека не се појави период на 3 дена без симптоми.
Првиот ден од појавата на симптоми или денот на пизитивен тест на коронавирус за оние кои немаат симптоми се смета како нулти дена, по кој е потребно во изолација да се поминат полни 10, односно 20 дена.
Блиски контакти треба да бидат во самоизолација 14 дена по денот на последен контакт со потврден случај на КОВИД-19.
- Доколку контакт е лице кое било заболено од КОВИД-19, ќе биде во задолжителна домашна изолација во период од 14 дена по денот на последен контакт со потврден случај на КОВИД-19 доколку поминал период од 3 или повеќе месеци од позитивниот резултат, во спротивно лицето не подлежи на изолација.
- Доколку контакт е лице со присутни антитела или негативен PCR, истото подлежи на задолжителна домашна изолација во период од 14 дена по денот на последен контакт со потврден случај на КОВИД-19, односно присуство на антитела или негативен PCR не заменува изолација.
- Доколку контакт е вакцинирано лице против КОВИД-19, ќе биде во задолжителна домашна изолација во период од 14 дена по денот на последен контакт со потврден случај на КОВИД-19 доколку поминал период помал од 2 недели по примена втора доза од КОВИД-19 вакцина, а во спротивно лицето не подлежи на изолација.
Стручњаците сметаат дека повеќето лица не се заразни 10 дена по позитивен тест на коронавирусот. Исто така, со оглед дека омикрон многу брзо се шири, а за да ја одржат економијата, некои земји, како Швајцарија, најавуваат скратување на изолацијата на пет дена, а многу земји во регионот изолацијата веќе ја намалија на 10, односно на 7 дена.
И неодамна ревидираните, нови насоки на Центарот за контрола и превенција на болести (ЦДЦ), упатуваат дека лицата заболени од КОВИД-19 може да излезат од изолација по петтиот ден, со здолажително носење маска. Исто така, насоките велат дека лицето може да продолжи со своите редовни активности 10 дена откако добило позитивен наод на КОВИД-19, бидејќи десеттиот ден лицето веќе не е заразно. Но, исто така, при собири, треба да се земе предвид дали лицата се вакцинирани и дали имаат поголем ризик за инфекција и потешка форма на болеста.
Д-р Вилијам Шафнер, стручњак за заразни болести на Универзитетот Вандербилт вели дека како и кај другите заразни болести, времето на опоравување може да варира од лице до лице, па затоа се советува да оние кои се заболени од КОВИД-19 бидат во изолација покусо од десет дена, ако се чувствуваат добро, може да излегуваат, но мораат да носат маска во наредните денови, ако се во близина на други лица.
Завршување на изолација на симптоматски пациент со тешка клиничка слика на КОВИД-19 кој бара интензивна нега, се препорачува ако се задоволени следниве критериуми: најмалку три последователни денови пациентот е афебрилен без користење на антипиретици и значано подобрување на симптомите, а поминале и најмалку 20 дена од првиот ден на болеста.
ПРВИОТ ДЕН РИЗИКОТ ОД ЗАРАЗА Е НАЈГОЛЕМ
Првиот ден од инфекцијата ризикот од пренесување на коронавирусот е 60 отсто, додека во петте дена ризикот за пренесување е од 10 до 20 отсто. Со текот на времето, ризикот од зараза е се помал, вели д-р Дин Блумберг, раководител за заразни болести на педијатрискиот оддел на Универзитетот Дејвис во Калифорнија,.
Сепак, потребна е дополнителна претпазливост ако сте во близина на лица кои имаат исклучително висок ризик од сериозни болести – стари лица, лица со дијабетес, белодробни заболувања, имунокомпромитирани. Во овој случај, можеби е подобро да ги прилагодите плановите за собирање и дружење, особено поради омикрон варијантата, која брзо се шири.
Познавањето на вакциналниот статусот на посетителите или пријателите и семејството или барање од сите да направат брз антиген тест може да помогне да останеме релативно безбедни во текот на омикрон бранот.
“Брзиот антигенски тест може да биде многу корисен за поединци кои сакаат дополнително уверување дека не се заразни за другите, особено ако се собирате или кога ќе ја извадите маската затоа што јадете или пиете“, вели д-р Блумберг.
СРЕДИ НА ОТВОРЕНО И СО ДИСТАНЦА
ЦДЦ советува кога планирате социјален настан, најдобро е да размислите за средби на отворено или во добро проветрени простори. Одржувањето растојание и носењето маски значително помага во избегнување на пренос на вирусот. Иако маските генерално не се потребни на отворено, ЦДЦ советува дека луѓето треба да размислат да ги носат во подрачја со висока стапка на инфицирани, во преполни ситуации на отворено или во ситуации кои вклучуваат близок контакт со лица кои не се вакцинирани со бустер доза.
Д-р Шафнер вели дека пристапот кон социјалните интеракции се разликува во во зависност од тоа дали вклучените се вакцинирани или не. Тој предлага да се воспостават некои основни правила пред собирања – да се осигурате дека присуствуваат само оние кои се вакцинирани или дека сите се согласуваат да носат маски и да ја одржуваат соодветна дистанца.
