Загадувањето на воздухот е една од водечките причини за здравствени проблеми во светот, а не му се посветува доволно внимание, онолку колку што би требало. Загадениот воздух предизвикува огромна штета и може да предизвика непоправлива штета како пораст на ризикот од мозочен и срцев удар, а придонесува и за болести на белите дробови и развој на рак. Верувале и не, но луѓето кои живеат во Лондон и го вдишуваат воздухот ги загадиле белите дробови исто како да пушат по 160 цигари за една година.
Фондацијата „Britain Heart” дошла до овие податоци со мерење на изложеноста ПМ2,5 честичките во воздухот, кои се најмала мерлива врска на загадувањето. Нивното потекло е од прашината, издувните гасови и чадот од електраните, пожари, но и индустријата. При вдишувањето можат да бидат директно токсични за ткивото со кое доаѓаат во контакт и да го зголемат ризикот од срцеви болести кај младите луѓе. Исто така, можат да ја влошат состојбата на срцето и белите дробови кај постоечките пациенти или да придонесат за децата и старите лица да развијат астма.
Еве што загадувањето му прави на телото:
- Предизвикува низок степен на интелигенција кај децата;
- Предизвикува слаба концентрација;
- Го забавува развојот;
- Децата ги прави анксиозни;
- Предизвикува ризик од аутизам;
- Поттикнува дебелина;
- Влијае на стерилитетот кај жените;
- Предизвикува ризик од рак на дојка;
- Ја оштетува спермата;
- Проблеми со еректилна дисфункција;
- Го зголемува ризикот од психоза;
- Не прави депресивни;
- Предизвикува деменција.
