Болката може да се појави во различни фази од животот на жената. Се проценува дека околу 70% од жените страдаат од ова пореметување кое исто така може да влијае и на емотивната состојба на жената. Болката може да се јави само во едната дојка, во двете или само во одреден дел од дојката.
Според извештајот на “Breast Cancer Foundation“ болката во градите подразбира било каква болка, чувствителност или нелагодност во подрачјето на градата или околното ткиво, а може да се појави од повеќе причини. Според фондацијата, болката во градите, во повеќето случаи не е поврзана со рак на дојка. Исто така, клиничката болка не е поврзана со поголем ризик од добивање на рак на дојка.
Ова е преглед на можните причини за појава на болка во дојките.
- ХОРМОНИ
Д-р Сара Кејт појаснува дека ткивото на градите е многу чувствително на хормонални промени, па токму тие може да бидат одговорни за појава на болка. Па, ако забележите дека градите ви се чувствителни околу овулацијата, менструацијата или во бременоста, може да ги “обвините“ хормоните. Болката поврзана со овие промени обично се јавува на сите страни.
- ИМАТЕ ЦИСТА
Цистите на градите може да се опишат како мали кесички полни со течност, а предизвикани се од естроген. Тие може да бидат болни. Цистата на пипкање е цврста дефинирана маса со кружна форма, а во повеќето случаи се работи за бенигни промени. Понекогаш исчезнуваат сами од себе по неколку месеци. Ако забележите промени на градите секако прво обратете се на лекар.
- ИМАТЕ ГОЛЕМИ ГРАДИ
„Дефинитивно постои врска помеѓу големите гради и појавата на болка во градите, а пациентките кои имаат поголеми гради често чувствуваат притисок кога ќе го отстранат градникот“, вели д-р Кејт. Претпоставка е дека станува збор за мускулите и фактот дека големите гради, поради тежината, влечат кон стомакот, па затоа ова истегнување може да предизвика болка.
- ПИЕТЕ ПРЕМНОГУ КАФЕ
Утрото го започнувате со кафе, пиете чај попладне и јадете чоколадо за десерт? Кофеинот може да влијае на промените во хормоните и на тој начин да придонесе за појава на болка во градите. Некои лекари дури и препорачуваат, ако имате болни гради, да го намалите консумирањето на кофеин за да ги намалите симптомите.
- ОРАЛНА КОНТРАЦЕПЦИЈА
Споменавме како промените во хормоналната слика можат да предизвикаат болка во градите. Д-р Кејт напоменува дека болката ќе се појави кај некои жени кои користат хормонска терапија. Ако болката ве попречува во извршувањето на дневните активности, не заборавајте да се консултирате со вашиот лекар за можна промена во терапијата.
- СТЕ СЕ ПОВРЕДИЛЕ
Понекогаш болката во градите воопшто не е поврзана за градите, така што изворот на болката всушност може да биде на некое друго место во телото. На пример, на тренингот по јога можете да направите некое ново движење и да ги истегнете мускулите на градите за да може да се чувствувате како да ве болат градите. Всушност, болката во грбот, вратот или рамото може да се почувствува како болка во градите.
- ПОРОДУВАЊЕ
Околу два до 5 дена по породувањето, во градите се создава повеќе течност, односно млеко, што ќе предизвика зголемување на градите и може да биде навистина непријатно чувство. Ако доите, направете го тоа што е можно подолго и почесто, бидејќи може да помогне во ублажување на болката. Носете соодветни градници и користете ладни облоги за да си помогнете.
- ИМАТЕ МАСТИТИС
Ако сте нова мајка, сигурно сте чуле за овој процес кој се карактеризира со воспаление на ткивото на дојката. Причината за маститис во првите недели од доењето обично не е бактериска или која било друга инфекција, туку стагнација на млеко, односно слаба проодност на екскреторните канали на одделните лобуси на млечната жлезда. Бидејќи млекото се акумулира во овие делови, тоа предизвикува силна реакција на телото, што се манифестира како болка, црвенило и висока температура. Разговарајте со вашиот лекар за ова.
“Болката во градите обично се поврзува со карцином кога тој е многу голем“, потеницра д-р Кејт. Иако е ретко, ако почувствувате болка и промени на градите која не може никако да се објасни, секако треба да се посоветувате со лекар.
