“Откривме дека колку повеќе килограми изгубите, толку се поголеми придобивките за превенција на артритис во коленото“; наведува авторката на студијата д-р Аманда Саинсбери, експерт за обезност.
Како пример таа наведува, дека ако лице има 120 килограми и ослабе 20 килограми, сигурно ќе има двојно поголем бенефит од она лице кое намалило 10 килограми. Резултатите од студијата се објавени во списанието “Arthritis & Rheumatology“.
Кога површината на зглобната ‘рскавица ќе се истроши, т.е “излиже“, коските се во контакт една со друга и доаѓа до триење, што предизвикува болка и вкочанетост во зглобот на коленото, а секако ќе влијае на тоа колку сте мобилни. Остеоартритисот или артрозата на зглобовите претставува хронична, воспалителна, дегенеративна болест при која постепено доаѓа до пропаѓање на зглобната ‘рскавица, а последично на тоа и на целиот зглоб.
Токму оваа состојба е најчестата форма на артритис. Остеоартритисот може да се подели на примарен и секундарен. Кај примарниот (идиопатски) остеоартритис доаѓа до стареење и постепено пропаѓање на ‘рскавицата, додека секундарниот остеоартритис е последица на други состојби како што се фрактури, повреди на ‘рскавицата и лигаментите, воспалителни и метаболички заболувања, инфекции или нарушувања на механичката оска.
Според пишувањата на Центарот за контрола и превенција на болести, артритисот влијае на животот на околу 32 милиони возрасни лица само во САД, а често се јавува кај лица постари од 50 години, но и кај млади луѓе. Бидејќи не постои лек за оваа состојба, лекарите ќе советуваат физикална терапија, операција или употреба на лекови. Здравата исхрана и слабеењето се исто така важни за да се намали притисокот врз зглобовите, да се ублажи болката и да се забави оштетувањето на зглобовите.
Студијата покажала дека намалувањето на индексот на телесна маса може да влијае на остеоартритисот во коленото. Со цел да се потврди ова, експертите ја анализирале состојбата на колената на возрасни пациенти кои учествувале во три независни студии. Сликите од прегледот ги ставиле во три категории – лица кои немале артритис на почетокот на студијата.
Просечната возрасна група од двете групи (оние кои развиле артритис и оние кои не развиле) била околу 60 години, а околу 60 проценти од испитаниците биле жени. Но, обезноста се разликувала кај тие двете групи. Околу 30 отсто од првата група биле со прекумерна телесна тежина, додека тоа било случај со 50 отсто кај втората група. По прегледување на студиите, тие заклучиле дека превисокиот индекс на телесна маса во период од 4 до 5 години е поврзан со развој или влошување на состојбата со артритис во коленото, особено кај внатрешните зглобови.
ЛИЦАТА КОИ НЕ СЕ ОБЕЗНИ ЗАБЕЛЕЖАЛЕ ПРИДОБИВКИ
Лицата кои ги изгубиле вишокот килограми ги намалиле шансите дека ќе дојде до болни промени во зглобовите за 5 проценти. Лицата кои изгубиле и до 5 единици од индексот на телесна маса ги намалиле шансите дека болеста ќе се развие и тоа 22 проценти.
“Слабеењето е издвои како стратегија за потенцијална превенција или одложување на дегенерација на зглобот во коленото“, наведува д-р Зубејир Салис.
Експертите кои не учествуваа во студијата ги поздравија резултатите, па така стручњакот за слабеење д-р Едвардо Гунвалд, смета дека времетраењето на студијата и сите проверки што следеле се знак дека се работи за висококвалитетна анализа, но додава дека би го интересирало дали состојбата во колената довела до слабеење или обратно.
“Се посилната болка во коленото може да доведе до зголемување на телесната тежина и зголемување на индексот на телесна маса“.
Долготрајното одржување на здрава телесна тежина е голем предизвик, а за најдобри резултати, лекарите кои учествуваат во процесот треба да бидат партнери со пациентот за да може побрзо и полесно да се постигнат резултатите, додава тој.
Д-р Каролина М. Аповиан вели дека студијата е важна бидејќи нагласува дека еднаш кога ‘рскавицата ќе се истроши и коската при движење ќе допре друга коска, останува само операција на коленото.
“Сега можеме со сигурност да советуваме дека намалувањето на килограмите е поврзано со спречување на појава на артритис во коленото“, додава таа и нагласува дека сака да види дека се спроведуваат и други студии на помали групи со цел да се прошири корисноста на овие информации.
