Истражувањата покажуваат дека проблем со главоболка имаат околу 30 отсто од жените и осум отсто од мажите. Причина за тоа може да се промените на нивоата на одредени хормони заради кои доаѓа до главоболка. Мигрените ги погодуваат и децата и тинејцерите. Новите истражувања кои се насочени на стресот во училиштата покажуваат дека момчињата и девојчињата имаат речиси ист број на мигрени до деветтата година. После тој период, мигрената е почеста кај девојчињата, отколку кај момчињата.
Медицинскиот центар „Џон Хопкинс“ во некои од симптомите на мигрена ја вбројуваат долготрајната главоболка во траење од четири до 72 часа. Најчесто е во прашање болка на само една страна на главата, чувствителност на светлина, звук или мирис, мачнина и болка која се зголемува при физичка активност.
Истражувањата покажуваат дека жените најголем и најчест интензитет на главоболка имаат меѓу 35 и 45 година. Науката вели дека естрогенот, тестостеронот и кортизолот, меѓу останатите хормони, можат да имаат значајна улога во настанувањето главоболки и мигрени.
Понекогаш ги покренува друга активност во телото: кортизол – хормон кој е најмногу поврзан со стресот може да падне многу ниско во моментите на напнатост или ако имате предолги паузи меѓу оброците, што доведува до пад на шеќерот во крвта.
Естрогенот е хормон кој најмногу се поврзува со главоболката, па е вообичаено да се чуе дека дека таа најмногу се појавува пред менструација.
Кај трудниците главоболките често престануваат кога нивото на естроген е повисоко. Перименопаузата и менопаузата, исто така, може да го сменат нивото на естроген дури и кога е во прашање хормонска терапија или орални контрацептиви. Затоа жените во овие фази често се жалат на засилени главоболки.
Хормоните, се разбира, не се единствен фактор кој влијае на главоболката. Други фактори може да се стресот, уморот, генетиката, исхраната, па дури и временската прогноза. Секој кој пател од мигрени, веројатно, искусил некои од овие симптоми. Одредени омилени намирници како чоколадото, кофеинот, путерот од кикиритки, црното вино и алкохолот воопшто, вештачките засладувачи и преработеното месо, исто така, може да предизвикаат силни главоболки.
