Болката во грбот обично не е состојба која би требало да загрижува. Овој вид болка е честа и обично погодува еден од осум луѓе, но лекарите тврдат дека од 80 до 90 отсто од болките во грбот се безопасни. Сепак, постојат ситуации кога заради овој симптом би требало да се побара лекарска помош.
Губење на контролата на мокрење
Доколку имате болка во грбот во комбинација со неможност за контрола на мокрењето, тоа е знак дека би требало да побарате стручна помош. Обично станува збор за дискус хернија која ги притиска околните нерви.
Рефлексија на вратот
Многу луѓе кои ќе почувствуваат болка во горниот дел на грбот сметаат дека таа болка настанува во грбот, но таа всушност доаѓа од вратот, односно од ’рбетниот мозок. Доколку ја почувствувате оваа болка која е поврзана со трнење или слабост во рацете, или ако забележите дека одите несигурно или едноставно ако имате промени во одот тоа може да биде знак дека нешто се случува во ’рбетниот мозок, што треба да се провери на лекар.
Болки во нозете
Болката која може да се јави на кој било дел од телото од задникот до ногата, заедно со чувство на вкочанетост, печење или слабост во ногата уште еден е знак дека нервот или дури и сплет на нерви е приклештен. Ова може да биде предизвикано од оштетување на коските, кила на дискот, но и стеноза на ’рбетниот канал.
Температура
Ако откриете дека болката во грбот се јавува заедно со температура, тоа може да биде знак за инфекција. Најверојатната последица на оваа состојба е епидурален апсцес, односно насобирање гнок кој влијае на мозокот или ’рбетниот мозок.
