Ако имате 30 години, болката во грбот често може да се препише на некои навики, како што е долготрајно седење, подигање на дете, па дури и интензивен тренинг. Ако имате над 40 години, тука се повреди на работа, почеток на развој на артритис или одредени здравствени состојби. Иако болката во грбот е чест проблем и многумина некако се справуваат со симптомите, понекогаш не е се така безопасно и важно е да се посети лекар.
Околу 80 проценти од возрасните ќе имаат проблеми со грбот во одреден момент од нивниот живот, важно е да се знае кои симптоми се опасни, а кои не се. Ако болката се јавува после одредена активност, на пример при кревање товар и ако исчезне по 72 часа, веројатно немате причина за паника. Меѓутоа, ако симптомите се влошат, болката се појавува нагло или не поминува, може да се работи за посериозна состојба која бара лекарски преглед. Ортопедот и хирург д-р Даглас Диксон и проф. Кавита Триведи, експерт за контрола на болка, објаснува за кои симптоми станува збор.
КОГА БОЛКАТА ВО ГРБОТ БАРА ПРЕГЛЕД НА ЛЕКАР?
СИЛНА; ОСТРА БОЛКА: Овој тип на болка може да укажува дека дошло до пукање на мускул или лигамент, а може да биде и проблем со внатрешен орган кој се наоѓа во таа област.
ЖАРЕЧКА БОЛКА: Во овој случај, чувството на болка може да се појави во нозете или глутеусот, што може да открие компресија на нервите.
ИЗНЕНАДНА СЛАБОСТ ВО НОЗЕТЕ: Слабост во нозете може да биде предизвикана од притисок врз ‘рбетните нерви поради состојби како што се ишијас или спинална стеноза. Исто така, силната болка во нозете понекогаш може да укаже на мозочен удар.
ИНКОНТИНЕНЦИЈА: Болката во грбот во комбинација со неможноста да се контролираат цревата или мочниот меур може да бидат сигнал за сериозен притисок врз нервите или дури и инфекции на рбетот што може да биде менингитис.
ТРНЕЊЕ ВО ПРЕПОНИТЕ ИЛИ МУСКУЛИТЕ: Ако губите осет или ви се чини дека ви поминуваат трнки во препоните или мускулите околу нив, може да се работи за сериозен проблем со нервот или ‘рбетот.
Ако чувствувате слабост во нозете, ве мачи инконтиненција и чувствувате трнење, симптомите може да го откријат и Cauda equina синдромот (CES), а во прашање е сериозна состојба која се карактеризира со оштетување на нервите во ‘рбетот. Тоа е состојба која бара итна посета на лекар за да се “ослободат“ нервите и да се спречи понатамошно оштетување.
СПИЕЊЕТО ВО ОВАА ПОЛОЖБА МОЖЕ ДА ПРЕДИЗВИКА БОЛКИ ГО ГРБОТ
Погрешно избраната положба може да влијае на проблемите со спиењето, но и со ‘рбетот, па тоа што сте спиеле 8 часа не мора да значи ништо за вашето здравје. Станува збор за спиење на стомак, па иако оваа положба е многу пријатна и удобна, може да предизвика штета. Одморот на стомак може да предизвика лоша положба на ‘рбетот, што врши дополнителен притисок врз него. “Оваа положба става најголемо оптоварување на ‘рбетните мускули и зглобови, бидејќи го “израмнува“ природно закривениот изглед на рбетот“, објаснува Кристофер Орнелас, лекар ортопед.
ОВА Е ПОЛОЖБАТА ШТО ЈА СОВЕТУВААТ ЛЕКАРИТЕ
Марлин Колдвел, физијатар, велиа дека е добро да спиете на грб бидејќи на тој начин тежината на телото се распределува по целото тело, а не само на неколку важни точки. Тој додава дека грбот треба да се држи во неутрална положба доколку сакате да избегнете болка. Има бројни придобивки од спиењето на грб, па може да влијае на намалена зачестеност на главоболките, болката во синусите и крвниот притисок.
