Сигурно сте го слушнале изразот „ме боли косата“ – ова не е само игра на зборови. Постои причина зошто косата боли. Можеби логиката налага дека косата не може да боли, но ова и тоа како може да се случи.
Се почнува од темето, а потоа се шири и по косата. За болката 50 проценти сте виновни самите, а за останатите 50 е вашето тело. Имено, природно масното теме или нередовното миење може да доведе до насобирање маснотија на темето. Тоа предизвикува воспаленија и чешање, па дури и болка.
Уште ако се почешате, поттикнувате испуштање на хемикалии заради кои ќе се воспали целото теме. Со други зборови, повеќе крв ќе се најде во тој дел од главата, па доаѓа до пулсирачка болка. Но, до болка може да дојде и после миење, а за тоа треба да се бара вина во производите за коса кои ги користиме затоа што маслата и нечистотијата се собираат и благодарение на хемикалиите од тие производи.
За да ја спречите оваа болка, косата мијте ја редовно и користете што е можно помалку производи за коса кои ја гушат. Исто така, кога и да можете, одбегнувајте затегнати фризури и користете шампони кои ги разградуваат маснотиите.
