Современата исхрана изобилува со рафинирани (индустриски преработени) намирници кои тешко „седнуваат’ во желудникот, а кога на тоа ќе се додаде и стресот и седечкиот начин на живот… Дигестивните проблеми станаа еден вид на епидемија.
За среќа, постојат комбинации на чаеви од сушени лековити билки кои секогаш помагаат, да го ублажат застојот во цревата, мачнината и болките.
За подобра дигестија
Две мали лажички нане прелијте ги со 250 мл врела вода, поклопете и оставете да отстои 10 минути, па процедете. Пијте го чајот незасладен, во мали голтки, во количина од две шолји дневно.
Против надуеност и грчеви
Измешајте по 25 г плодови од сладок копар, коријандер, ким и анасон. Две мали лажички од мешавината прелијте со 250 мл врела вода. Пијте го чајот незасладен, по една шолја два пати дневно.
За подобра функција на црниот дроб и жолчката
Измешајте 20 г глуварче (корен и листови), 20 г нане, 10 г цветови на невен. Две мали лажички од мешавината прелијте со 250 мл врела вода. Оставете да отстои 10 минути, процедете и во текот на денот испијте три шолји од незасладениот чај.
